微博秀UID
杨肸子

杨肸子陳瀅:好無聊嘅一件事 余德丞高調示愛「我愛陳瀅」-香港八卦

杨肸子陳瀅:好無聊嘅一件事 余德丞高調示愛「我愛陳瀅」-香港八卦

杨肸子陳瀅首次擔演女主角,至於係邊一部劇?就係《廉政行動2019》喇!今次陳瀅得知自己首次做女一心情十分開心:「其實自己同ICAC好有緣份,我第一次拍電影就係ICAC,咁第一次擔任比較重要嘅角色又係ICAC。」但會唔會令到佢好大壓力?陳瀅表示壓力並唔會太大:「其實今次好好彩,只係拍5集,時間又唔算太過長,所以壓力唔算太大,因為5集自己都能夠處理得到,之前拍嘅戲20集都係咁做啦,今次時間短少少,但多時間預備。」

陳瀅憑《廉政行動2019》首次擔任女主角。(梁碧玲攝)
陳瀅平時俾大家嘅印象係一個活潑好動嘅女神,今次佢演嘅角色同佢本身性格係相反,陳瀅透露:「今次飾演ICAC嘅人員,我演嘅角色性格好黑白分明,對就是對,錯就是錯,冇得原諒,好期待今次角色,因為呢一個角色佢好正氣。」陳瀅忽然又話自己係一個好灰地帶嘅人?乜係好灰地帶?陳瀅解釋:「一係啱一係錯,而我唔係?,好有中間位,可能你做錯一件事,可能會體諒或者包容,唔係話你做錯一定錯。」

對於做女主角,還能與陳家樂、鄭則士以及黃智賢合作,陳瀅的心情十分興奮。(梁碧玲攝)
早前陳瀅跟一眾好友遊船河,陳瀅個人社交網站發佈一段影片,影片中余德丞大呼「我愛陳瀅」,立即引起眾人注意,二人關係屬於情侶?陳瀅笑言同余德丞只屬於朋友,冇可能發展。問到點解佢會大叫我愛陳瀅?陳瀅解釋:「其實好無聊一件事,我唔知道點解佢會大叫我愛陳瀅,之前我哋拍《危城》認識,嗰個時候Pa同副導演好鍾意叫我愛陳瀅,變咗一個口令,所以余德丞見到我可能諗起呢一件事。」唔知遲下大家會唔會由嗌「我愛黎明」,而係變咗「我愛陳瀅」呢?

陳瀅直言與余德丞冇發展空間。(梁碧玲攝)





码字很辛苦,转载请注明来自杨肸子《杨肸子陳瀅:好無聊嘅一件事 余德丞高調示愛「我愛陳瀅」-香港八卦》